Skólareglur Waldorfskólans Sólstafa  

 

• Við sýnum hvert öðru virðingu, umburðarlyndi og hlýju og hjálpumst öll að við að gleðja hvert annað.
• Skólinn er okkar annað heimili. Við göngum vel um hann og umhverfi hans.
• Nemendur og starfsfólk eru stundvís og sinna öllum verkefnum af alúð. Við tökum virkan þátt í öllu því sem skólinn býður upp á.
• Kennarar og starfsfólk skólans bera hag allra nemenda fyrir brjósti. Við förum eftir fyrirmælum og ábendingum starfsfólks skólans svo okkur líði öllum vel.
• Við virðum persónulegar eigur annarra í skólanum.
• Við förum ekki út af skólalóð nema í fylgd með kennurum og starfsfólki eða með leyfi kennara.
• Símar og önnur snjalltæki eru ekki leyfð til einkanota á skólatíma. Snalltæki má nýta í námi með leyfi kennara.
• Við komum ekki með sælgæti og gosdrykki í skólann.

 

Við erum í skólanum til að læra og þroskast saman. Nemendur eru hvattir til að sýna sjálfstæði og skapandi vinnubrögð í öllu skólastarfi.

Nemendur eiga rétt á að láta rödd sína heyrast. Starfsfólk skólans er ávallt opið fyrir öllum ábendingum og umræðu við nemendur.

Nemendur og starfsfólk skólans mynda í sameiningu skólasamfélag sem er styðjandi við hvern og einn og þar sem hæfileikar allra fá að vaxa og blómstra.

Reglur um skólasókn:  skólasóknarreglur 23-24