Andlegur kjarni

Waldorf-námsskráin miðast ekki eingöngu við að vera í samræmi við mikilvægustu þroskastig barnæsku og unglingsára heldur einnig við að örva mikilvæga þroskandi reynslu.  Ákveðið efni sem kennt er á sérstakan hátt getur vakið nýja hæfileika, nýja sýn, nýjan skilning.  Rudolf Steiner ætlaðist einnig til þess að námsefnið skyldi virka á samræmandi hátt, alveg niður í hina lífrænu heild og líkamlegu hrynjandi og ferli.  Að þessu leyti hefur Waldorf-námsefnið í grundvallaratriðum lækningahlutverki að gegna þar sem það auðveldar og styður heilbrigðan þroska allrar manneskjunnar.  Heilbrigði í þessum skilningi er virkt jafnvægi kraftanna í barninu og að einstaklingurinn geti lynt við annað fólk og umheiminn á yfirvegaðan hátt.  Þetta þýðir líka að hlúð er að skilningi á getu hvers barns á sem ákjósanlegastan hátt.

Menntastefnur

Í tímaritinu British Journal of Educational Psychology birtist grein um rannsókn sem kannaði áhrif þriggja mismunandi menntastefna á hæfileika barna til að teikna.
Rannsóknin náði til 60 skólabarna á aldrinum 5-7 ára. Stefnurnar sem skoðaðar voru eru Waldorfstefnan (einnig kölluð Steinerstefna), Montessoristefnan og hefðbundin kennsla.  Rannsóknin var framkvæmd þannig að hvert barn var látið teikna 3 teikningar; frjálsa teikningu, myndsvið og mynd eftir fyrirmynd.  Börn sem nutu kennslu samkvæmt Waldorfstefnunni komu töluvert betur út en hin börnin. Frjálsa og myndsviðsteikningar þeirra barna fengu hærri einkunnir en samsvarandi teikningar barna sem nutu kennslu samkvæmt Montessori- eða hefðbundinni aðferð. Notkun lita var einnig betri hjá Waldorfbörnunum, þrátt fyrir að þau notuðu ekki fleiri liti. Athygli vakti að Waldorfbörnin notuðu einnig mun ævintýralegri viðfangsefni í frjálsu teikningunum sínum en hin börnin. Waldorbörnin nýttu blaðið betur og skipulögðu myndsvið sitt betur en hin börnin, auk þess sem smáatriði í teikningum þeirra voru fleiri.

Rannsakendur draga þá ályktun að listkennsla Waldorfstefnunnar er framarlega og að börn sem njóta kennslu Waldorfstefnunnar teikni betur en börn sem njóta kennslu eftir öðrum stefnum auk þess sem þau noti liti betur og teikningar þeirra eru nákvæmari.

Heimild:
British Journal of Educational Psychology, Volume 70, Number 4, December 2000,
pp. 485-503(19), ( effecteduapproaches_UniYork.pdf )